نذیر بنارسی ہندوستانیت اور بنارس کی گنگا جمنی تہذیب کی علامت تھے

-


 نذیر بنارسی کے یوم پیدائش پر ہوا آل انڈیا مشاعرہ اور کوی سمیلن کا انعقاد

 وارانسی

نذیر بنارسی اکیڈمی اور ڈاکٹر امرت لال عشرت میموریل سوسائٹی (سن بیم گروپ) کے زیراہتمام بنارس کے مشہور شاعر پدم شری نذیر بنارسی صاحب کے 113ویں یوم پیدائش کے موقع پر ناگری ناٹک منڈلی کبیر چورا، بنارس کے آڈیٹوریم میں منعقد پروگرام میں مقررین نے نذیر بنارسی کی گنگا جمنی شاعری کے مختلف پہلوؤں پر گفتگو کی اور انہیں ایک عظیم شاعر کے طور پر سراہا۔  

 اس موقع پر ملک کی نامور شخصیات کے ذریعے نذیر بنارسی کو لکھے گئے خطوط پر مبنی کتاب ’’نذیر بنارسی یادوں کے آئینے میں‘‘ کا اجراء بھی کیا گیا۔  سنکٹ موچن مندر کے مہنت اور بنارس ہندو یونیورسٹی کے شعبہ آئی ٹی کے پروفیسر وشمبھر ناتھ مشرا نے اپنی صدارتی تقریر میں نذیر صاحب اور اپنے والد پنڈت ویربھدر مشرا کی قربت کا ذکر کرتے ہوئے بہت سی یادوں کا تذکرہ کیا اور کہا کہ شاعر بھلے ہی مر جائے لیکن اس کے خیالات و نظریات شاعر کی تخلیق کی صورت میں زندہ رہتے ہیں اور ہمیں غور وفکر کی دعوت دیتے رہتے ہیں۔  مہمان خصوصی پوسٹ ماسٹر جنرل وارانسی ریجن کرشنا کمار یادو نے کہا کہ نذیر بنارسی صاحب کی تخلیقات کا مطالعہ کرنے سے ہندوستانیت کے ساتھ ساتھ بنارسی پن کا بھی احساس ہوتا ہے۔  انہوں نے کہا کہ اگر نذیر بنارسی پر ڈاک ٹکٹ جاری کرنے کی تجویز آتی ہے تو محکمہ اس پر ضرور غور کرے گا۔

پروگرام کا ویڈیو دیکھنے کے لئے کلک کریں 

بنارس ہندو یونیورسٹی کے شعبہ اردو کے صدر پروفیسر 

 آفتاب احمد آفاقی نے نذیر بنارسی اکیڈمی اور ڈاکٹر امرت لال عشرت میموریل سوسائٹی سے اپیل کی کہ وہ ان دونوں شخصیات کے اعزاز میں کوئی ایوارڈ  شروع کرنے پر سنجیدگی سے غور کریں۔  شری بدھی ناتھ مشرا، مفتی عبدالباطن نعمانی، دیپک مدھوک، ماجد دیوبندی نے بھی نذیر بنارسی کی زندگی اور شاعری پر روشنی ڈالی۔  شاد عباسی نے نذیر بنارسی پر نظم پیش کرکے اور گلوکار درگیش کمار اپادھیائے نے نذیر بنارسی کی ایک غزل اپنی آواز میں پیش کر کے سامعین کو محظوظ کیا۔

کتاب کے اجراء اور مقررین کے اظہار خیال کے بعد جناب   ہری رام دیویدی کی صدارت میں آل انڈیا مشاعرہ اور کوی سمیلن کا انعقاد کیا گیا۔  جسکی نظامت ہلال بدایونی نے کی۔  جس میں بدھی ناتھ مشرا، ماجد دیوبندی، اظہر جمال میرٹھ، جمنا اپادھیائے ایودھیا، افضل منگلوری، صبا بلرامپوری، سجاد جھنجھٹ روڑکی، مانسی دویدی لکھنؤ اور اکرم جونپوری نے اپنے کلام سے دیر رات تک حاضرین کو مسحور کیا، ادب نواز سامعین نے بھی شاعروں کی حوصلہ افزائی کی اور داد و تحسین سے نوازتے رہے۔

 مہمانوں کا استقبال نذیر بنارسی اکیڈمی کے صدر صغیر احمد، حاجی عبدالرؤف تاج بابا، افروز ظہیر اور دیگر نے پھولوں کا ہار پہنا کر اور شالیں پیش کر کیا۔  نظامت کے فرائص عشرت عثمانی نے بہت ہی دلکش انداز میں ادا کیا جبکہ  شکریہ اکیڈمی کے نائب صدر ریاض احمد نے ادا کیا۔  اہم شخصیات میں تنویر احمد، عبدالرحمن، اے کے لاری، ڈاکٹر محمد عارف، حاجی سعید بھائی، حاجی عبدالرحیم، حاجی عبدالمغنی، نظام بنارسی، ڈاکٹر احتشام الحق، مظہر آصف جونپوری، فردوس ریاض، حافظ عفان وغیرہ موجود رہے۔








Comments

Post a Comment

Popular posts from this blog

مہیلا مہا ودیالیہ بی ایچ یو کی طالبات کے درمیان ہوا 'اردو بیت بازی' کا انعقاد

-
Image
وارانسی  بنارس ہندو یونیورسٹی کے مہیلا مہا ودیالیہ کے  ہیریٹیج  ہال میں منتھن کے بینر تلے 'اردو بیت بازی' کا انعقاد کیا گیا۔ جس میں 5-5 طالبات پر مشتمل تین ٹیموں نے حصہ لیا۔ یہ پروگرام مہیلا مہا ودیالیہ کے اردو سیکشن کے زیراہتمام منعقد کیا گیا تھا۔  بیت بازی کے اس مقابلے کے لئے 15 طالبات کو میر، غالب اور فراق نامی ٹیموں میں منقسم کیا گیا تھا ۔ جج کی ذمہ داری پروفیسر رفعت جمال اور ڈاکٹر مشرف علی نے ادا کی۔  بیت بازی کے ٹیم مقابلے کا پہلا انعام میر، دوسرا انعام غالب اور تیسرا انعام فراق ٹیم کو دیا گیا۔ تینوں گروپوں کی طالبات نے بہترین اشعار پیش کر آڈیٹوریم میں موجود سبھی کا دل جیت لیا۔  ان  15 طالبات میں انفرادی کارکردگی کا پہلا انعام انکو نامی طالبہ کو ملا جبکہ ریتیکا سنگھ کو دوسرا اور سوناکشی یادو اور سواتی مشرا کو مشترکہ طور پر تیسرا انعام ملا۔ اس موقع پر پروفیسر رفعت جمال اور ڈاکٹر مشرف علی نے اپنے خیالات کا اظہار کرتے ہوئے طالبات کو مفید مشورے دیئے۔  اردو سیکشن کے انچارج ڈاکٹر افضل مصباحی نے بیت بازی کے اس پروگرام کی نظامت کے فرائض ادا کںۓ جبکہ ریسرچ اسکالر محمد اعظم نے مہما
Read more

نذیر بنارسی کی یوم پیدائش کے موقع ہوگا آل انڈیا مشاعرہ، شامل ہوں گے ملک کے چنندہ شعراء

-
Image
وارانسی      کل بروز پیر شام 5 بجے سے نذیر بنارسی اکیڈمی اور ڈاکٹر امرت لال عشرت میموریل سوسائٹی (سنبیم گروپ) کے مشترکہ زیر اہتمام بنارس کی گنگا جمنی تہذیب کے علمبردار مشہور شاعر پدم شری نذیر بنارسی کے 113 ویں یوم پیدائش کے موقع پر ایک آل انڈیا مشاعرہ اور کوی سممیلن کا انعقاد ناگری ناٹک منڈلی کبیر چورا وارانسی میں کیا جائے گا۔ جس میں ملک کے نامور  شعراء شرکت کریں گے۔           ہلال بدایونی کی زیر نظامت ہونے والے مشاعرہ میں   ماجد دیوبندی دہلی، اظہر اقبال میرٹھ، افضل منگلوری، جمنا اپادھیائے ایودھیا، صبا بلرامپوری، مانسی دیویدی لکھنؤ، سجاد جھنجھٹ روڑکی، شاد عباسی اور ہری رام دیویدی بنارس اپنے کلام سے سامعین کو محظوظ فرمائیں گے۔ مشاعرہ شروع ہونے سے قبل مشہور گلوکار وجے کپور اپنی آواز میں نذیر بنارسی صاحب کے چند کلام پیش کریں گے۔  اس تقریب کی شروعات نذیر بنارسی صاحب کے مجموعۂ کلام ’’نذیر بنارسی یادوں کے آئینے میں‘‘  کے اجراء سے کی جائے گی۔  رسم اجراء کی اس تقریب کے مہمان خصوصی  مہاتما گاندھی کاشی ودیا پیٹھ کے وائس چانسلر پروفیسر اے کے تیاگی ہوں گے جبکہ مہمان اعزازی کرشنا کمار یادو پوسٹ ماس
Read more

غزوۂ بدر ، یوم الفرقان

-
Image
  حق و باطل کا پہلا معرکہ، غزوہ بدر  جو ۱۷ رمضان کو پیش آیا    تحریر : محمد قمر الزماں ندوی        غزوہ بدر ۱۷/ رمضان ۲ ہجری کو پیش آیا، یہ اسلام کا پہلا اور فیصلہ کن جنگ تھا،جس میں اسلام نے کفر کو شکست فاش دی۔ قرآن مجید میں اس کو یوم الفرقان کہا گیا ہے، اس غزوہ کی تفصیل قرآن و حدیث میں تفصیل سے موجود ہے۔ ۱۷/ رمضان المبارک  غلبہ اسلام اور کفر کی شکست اور پسپائی کا دن ہے۔ یہ دن ہمیں ہمت، حوصلہ، بہاری،عزیمت اور شجاعت کا پیغام دیتا ہے۔ یہ دن اور تاریخ ہمیں افراد، ساز و سامان اور طاقت و قوت پر نظر کیے بغیر ۔۔۔۔۔۔۔  اللہ کی راہ میں ڈٹ جانے کا حوصلہ بخشتا ہے ۔ اور  اللہ کے دین اور کلمے کو بلند کرنے کا جذبہ پروان چڑھاتا ہے۔ اور یہ احساس دلاتا ہے کہ وہ کیا تھے اور کس بلندی پر تھے اور ہم کیا ہیں اور کہاں پہنچ گئے ہیں۔۔۔۔  وہ تین سو تیرہ تھے تو لرزتا تھا زمانہ آج ہم کروڑوں میں ہیں تو کرتے غلامی          غزوہ بدر دو ہجری رمضان المبارک کی سترہ تاریخ کو پیش آیا، یہ جمعہ کی رات تھی، صبح نمودار ہوئی تو قریش اپنے تمام جنگی دستوں کے ساتھ سامنے آچکے تھے اور دونوں فریق صف آراء تھے۔ اس موقع پر رسول ﷺ نے ا
Read more